■ 長實無端端又同李生買個星加披物業，而且公佈的日期又和大摩將長實剔除出指數的日子一樣，你話巧唔巧合呢？
▲ 呢件事肯定唔止表面咁簡單，新加坡物業只係十多億元的項目，相對長江的規模實在不大，沒有理由要為這項目勞師動眾。
■ 你估李生會否增持長實呢？
▲ 李生做事一向好少比人咁容易睇得通，不過，純計數的話，要增持長實的誘因甚大，一來長實實在便宜，撇除和黃後，其價值更是負數，而且而家電訊業的收購合併動輒以千億計，和黃電訊資產丰厚，有朝一日有海外財團要打長江和黃主意也非無可能，李氏家族只持百分之三十多，始終是有一定隱憂，不過話時話，李生也無必要立即爭持，大可坐在一邊，等到真係有大好機會時，先至大手增持，總之佢嘅位置就最有利啦。
■ 你話摩根士丹利事前有否通知李生呢？
▲ 呢D野就要佢地先知啦，不過咁大件事，事前實有討論，因此走漏一點風聲也不是出奇的事。不過無論點，你都要承認，李生反應實在係快，佢又真係好識得捕捉時機，呢一方面係唔到你唔服既。